Xaçmazda 9-cu sinif şagirdi özünü asıb İstintaq tərəfindən hələ heç bir versiya irəli sürülməyib Xaçmaz rayonunun Təzyiqıran kənd sakini, 15 yaşlı Rauf Qədir oğlu Əlimərdanovintihar edib. O, evlərindən 150 metr aralıdakı meşədə özünü asıb. ANS PRESS-in bölgə müxbirinin verdiyi xəbərə görə, onun meyidi saat 17 radələrində ağacdan asılmış halda tapılıb. Xaçmaz rayon Polis Şöbəsinin, həmçinin Xudat bölməsinin əməkdaşları və rayon prokurorluğunun əməkdaşları hadisə yerində olublar. R.Əlimərdanovun atası Qədir Əlimərdanov ANS PRESS-ə bildirib ki, hadisə baş verən zaman o, Xudat kəndində yasda olub. 9-cu sinif şagirdinin özünü asmasının səbəbi hələlik məlum deyil. İstintaq tərəfindən hələ heç bir versiya irəli sürülməyib. Faktla bağlı Cinayət Məcəlləsinin özünü öldürmə həddinə çatdırma maddəsi ilə cinayət işi açılıb. Araşdırmalar davam edir.
